სამედიცინო განათლების საერთაშორისო ასოციაციის ყოველწლიურ კონფერენციას - AMEE 2025, რომელსაც მსოფლიოს 100-მდე ქვეყნის 3500 დელეგატი ესწრება, წელს ქ. ბარსელონა (ესპანეთი) 23 აგვისტოდან 27 აგვისტოს ჩათვლით პერიოდში მასპინძლობს.

კონფერენცია ოფიციალურად დღეს 24 აგვისტოს გაიხსნა, 23 აგვისტო კი ღონისძიების წინასწარ სესიებს დაეთმო. 

ბარსელონაშია თბილისის სახელმწიფო სამედიცინო უნივერსიტეტის დელეგაცია, თსსუ-ის რექტორის, პროფესორ ირაკლი ნატროშვილის ხელძღვანელობით.

თსსუ-ის დელეგაციის შემადგენლობაში შედიან: თბილისის სახელმწიფო სამედიცინო უნივერსიტეტის რექტორი, პროფესორი ირაკლი ნატროშვილი; ხარისხის უზრუნველყოფის სამსახურის ხელმძღვანელი, პროფესორი ხათუნა თოდაძე; რექტორის აპარატის უფროსი, ასოცირებული პროფესორი ირინა კაპეტივაძე; აკადემიური განვითარების და სტრატეგიული დაგეგმვის დეპარტამენტის უფროსი, პროფესორი რიმა ბერიაშვილი; საქართველოში AMEE-ს ცენტრის ხელმძღვანელი, აკადემიური განვითარების და სტრატეგიული დაგეგმვის დეპარტამენტის უფროსის მოადგილე სალომე ვორონოვი; კლინიკური უნარების და მულტიდისციპლინური სიმულაციის ცენტრის ხელმძღვანელი, პროფესორი ირმა მანჯავიძე; დიპლომირებული მედიკოსის ამერიკული პროგრამის დირექტორი, ასოცირებული პროფესორი ეკა ეკალაძე; გივი ჟვანიას სახელობის პედიატრიის საუნივერსიტეტო კლინიკის აღმასრულებელი დირექტორი, ასოცირებული პროფესორი ნინო ცხვედიანი, თბილისის სახელმწიფო სამედიცინო უნივერსიტეტის საერთაშორისო ურთიერთობების დეპარტამენტის უფროსის მოადგილე ქეთევან ბიბილაშვილი.

კონფერენციის მონაწილეები მოისმენენ თბილისის სახელმწიფო სამედიცინო უნივერსიტეტში 2019 წლიდან არსებული AMEE-ს ცენტრის წარმატებული მუშაობის შესახებ ზეპირ მოხსენებას, ასევე ღონისძიებაზე პოსტერული მოხსენებებით წარსდგებიათ თსსუ-ის დელეგაციის წევრები.