ფაკულტეტი

ფარმაციის

საგანმანათლებლო პროგრამის სახელწოდება

ფარმაცევტული და კოსმეტოლოგიური ტექნოლოგიები

მისანიჭებელი აკადემიური ხარისხი

ფარმაციის მაგისტრი

პროგრამის ხელმძღვანელი

პროფესორი ალიოშა ბაკურიძე

პროგრამის მოცულობა

120 ECTS კრედიტი

სწავლების ენა

ქართული

პროგრამის მიზნები

ა) მაგისტრანტს  მისცეს ღრმა და სისტემური ცოდნა/კომპეტენცია:

-ბუნებრივი და სინთეზური ნედლეულის რაციონალური გადამუშავების, ეფექტიანი, ხა­რ­­ისხიანი და უსაფრთხო ფარმაცევტული და  კოსმეტოლოგიურ-პარფიუმერიული პროდუქციის დამზადების,  სერიული წარმოების და შემუშავების  ფიზიკური,  ქიმიური, ბიოლოგიური და ტექნოლოგიური კანონზომიერებების შესახებ;

- ეფექტიანი და უსაფრთხო კოსმეტიკური ნაწარმის გამოყენების სამედიცინო–ბიოლოგიური პრინციპების  შესახებ;

- ფარმაცევტულ და კოსმეტოლოგიურ-პარფიუმერულ ტექნოლოგიებში თა­ნა­მედროვე ტენ­დე­ნციების, კვლევების, კვლევის მეთოდების და მათი შესაძლებლობების გამოყენების  შესახებ;

  ბ) მაგისტრანტი აღჭურვოს კარგი საწარმოო პრაქტიკის (GMP)  პრინციპების დაცვით, ფარმაცევტული და კოსმეტოლოგიურ-პარფიუმერული ტექნოლოგიების  დამოუკი­დე­ბლად  განხორციელებისა და მართვის  უნარ–ჩვევებით.

პროგრამაზე დაშვების წინაპირობა/-ები

სამაგისტრო პროგრამაზე სტუდენტის დაშვების წინაპირობაა:

ა) ბაკალავრის აკადემიური ხარისხი ფარმაციაში, მედიცინის სხვადასხვა მიმართულებაში, ქიმიური და კვების პროდუქტების ტექნოლოგიებში, დიპლომირებული მედიკოსის აკადემიური ხარისხი;

ბ) საერთო სამაგისტრო გამოცდების წარმატებით ჩაბარება;

გ) შიდასაუნივერსიტო გამოცდების წარმატებით ჩაბარება.

               პროგრამის მოკლე აღწერა

სამაგისტრო პროგრამაზე „ფარმაცევტული და კოსმეტოლოგიური ტექნოლოგიები“ სწავლის ხანგრძლივობა 2 წელია ანუ  4 სემესტრი და ითვალიწინებს 120  ECTS კრედიტის შესრუ­ლებას

90 კრედიტი ეთმობა პროფილურ სასწავლო კურსებს, აქედან:

64 კრედიტი - სავალდებულო,

10 კრედიტი -  არჩევითი სასწავლო კურსები,

16 კრედიტი - საწარმოო პრაქტიკა,

30 კრედიტი - კვლ­ევითი კომპონენტი - სამაგისტრო ნაშრომი.

არჩევითი სასწავლო კრედიტების რაო­დენობა შეადგენს 24 კრედიტს, აქედან სტუდენტი ირჩევს 10 კრედიტს, სემესტრების მიხედვით:

I სემესტრი - 4 კრედიტი;

II სემესტრი - 2 კრედიტი;

III სემესტრი - 4 კრედიტი.

სასწავლო კომ­პონენტი მოიცავს:

ძირითად სასწავლო კურსებს (15),

მოდულებს (2),

პრაქტიკას (2) და

არჩევით სასწავლო კურსს (12).

სტუდენტის ცოდნის შეფასების სისტემა

სტუდენტთა მიღწევების შეფასება ხორციელდება საქართველოს განათლებისა და მეცნიერების მინისტრის 2007 წლის 5 იანვრის N 3 ბრძანების შესაბამისად.

უნივერსიტეტში მოქმედებს კრედიტების ტრანსფერისა და დაგროვების ევროპული სისტემა (ECTS), რომელიც არის სწავლის შედეგებზე, სასწავლო პროცესის გამჭვირვალობაზე დაფუძნებული და სტუდენტზე ორიენტირებული სისტემა. მისი მიზანია, ხელი შეუწყოს სასწავლო ერთეულების დაგეგმვას, განხორციელებას, შეფასებას/ცნობას, აგრეთვე სტუდენტთა მობილობას.

შეფასების კომპონენტებია შუალედური შეფასება და დასკვნითი შეფასება, მათი ჯამი განსაზღვრავს სტუდენტის საბოლოო შეფასებას. სასწავლო კურსის მაქსიმალური შეფასება 100 ქულაა, რაც წარმოადგენს შუალედური შეფასებების (მინიმალური კომპეტენციის ზღვარი - 31 ქულა) და დასკვნითი შეფასების ჯამს. დასკვნით გამოცდაზე გასვლის უფლება ეძლევა სტუდენტს, რომელსაც შუალედური შეფასებისა და დასკვნითი გამოცდის მინიმალური დადებითი შეფასების ჯამით შეიძლება დაუგროვდეს 51 ქულა.

სტუდენტის მიერ გაწეული შრომის შეფასება ითვალისწინებს:

ა) შუალედურ შეფასებას, რაც წარმოადგენს სასწავლო კურსის სილაბუსით გათვალისწინებული ცოდნის შეფასების მეთოდების/ნაწილების (სტუდენტთა ყოველკვირეული/ ყოველდღიური მიმდინარე აკადემიური, პრაქტიკული აქტივობები, პრეზენტაცია/ები, კოლოკვიუმ(ებ)ი და სხვ.) მიხედვით მიღებულ ქულათა ჯამს და განისაზღვრება 0-60 ქულით.

ბ)დასკვნითი გამოცდის შეფასებას. სასწავლო კურსისმაქსიმალური შეფასების 100 ქულიდან დასკვნითი გამოცდის  მაქსიმალურ შეფასებას ეთმობა 0-40 ქულა.

შეფასების სისტემით დაშვებულია ხუთი სახის დადებითი და ორი სახის უარყოფითი  შეფასება.

Ø დადებითი შეფასებებია:

(A) ფრიადი – 91-100 ქულა,

(B) ძალიან კარგი – 81-90 ქულა,

(C) კარგი – 71-80 ქულა,

(D) დამაკმაყოფილებელი – 61-70 ქულა,;

(E) საკმარისი – 51-60 ქულა.

Ø უარყოფითი შეფასებებია:

(FX) ვერ ჩააბარა – 41-50 ქულა, რაც ნიშნავს, რომ სტუდენტს ჩასაბარებლად მეტი მუშაობა სჭირდება და ეძლევა დამატებით გამოცდაზე ერთხელ გასვლის უფლება;

(F) ჩაიჭრა – 40 ქულა და ნაკლები, რაც ნიშნავს, რომ სტუდენტის მიერ ჩატარებული სამუშაო არ არის საკმარისი და მას სასწავლო კურსი ხელახლა აქვს შესასწავლი.

ცალკეულ სასწავლო კურსში/მოდულში სტუდენტის მიღწევების შეფასებისათვის დადგენილი დამატებითი მოთხოვნები დეტალურადაა აღწერილი შესაბამის სილაბუსში და ცნობილია სტუდენტებისათვის.

სწავლის შედეგები

ცოდნა და გაცნობიერება

კურსდამთავრებულს აქვს ღრმა და სისტემური ცოდნა:

ü ბუნებრივი და სინთეზური ნედლეულის რაციონალური გადა-მუშავების, ეფექტიანი, ხარისხიანი და უსაფრთხო ფარმაცევტული, კოსმეტოლოგიურ-პარფიუმერიული პროდუქ–ციის დამზადების, სერიული  წარმოების და შემუშავების ფიზიკური, ქიმიური, ბიოლოგიური, ტე­ქნოლოგიური   კანონზო–მიერებების და გამოყენებული აპარატურა-მანქანების მუშაობის პრინ­ცი­პების შესახებ;

ü ადამიანის კანის სტრუქტურის, ფუნქციების,  დაავადებების და მომხმარებლისათვის ეფე­ქტიანი და უსაფრთხო   კოსმეტოლოგიურ ნაწარმის შერჩევის სამედიცინო-ბიოლოგიური პრინცი­პებ­ის  შესახებ;

ü ფარმაცევტული და კოსმეტოლოგიურ-პარფიუმერიული ბიზნესის ადმინისტრირების  საფუძვლების შესახებ;

ü კურსდამთავრებული აცნობიერებს: კვლევის შედეგების გამო­ყენე­ბის მნიშვნელობას ბუ­ნებრივი და სინთეზური ნედლეულის რაციონალური გადამუშავების, ეფექტიანი, ხარისხიანი და უსაფრთხო ფარმა-ცევტული და კოსმეტოლოგიურ-პარფიუმერიული პროდუქციის დამზა­დების, სერიული წარმოებისა და შემუშავებისათვის, აგრეთვე სა­კუთარი პროფესი­უ­­ლი გან­ვითარე­ბისათვის;

უნარი

კურსდამთავრებულს შეუძლია:

ü  დამოუკიდებლად ბუნებრივი და სინთეზური ნედლეულის რაციონალუ­რი გადამუშავება, ეფექტიანი, ხარისხ­იანი და უსაფრთხო ფარმაცევტული და კოსმეტოლოგიურ-პარფიუმერიუ­ლი პროდუქციის დამზადება, სერიული წარმოება, აპარატურა-მანქანების უსაფ­რთხოდ ექსპლოა­ტაცია, ტექნოლოგიებ­ის  მართვა კარგი საწა­რმოო პრაქტიკის  (GMP)  პრინციპებ­ის მიხე­დვით და მო­მხმარებლისათვის კოსმეტოლო­გიური ნაწარმის შერჩევა-გამოყენებაზე კვალი­ფიცური კონსუ­ლ­ტაცია;

ü ტექნო­ლ­­ოგიური პროცესის განხორციელების დროს წამოჭრილი კომპლექსური პრ­ობლემების იდენ­ტი­ფ­იცირება, გამომწ­ვევი მიზეზების გაანა­ლიზება,  შეფ­ასება, ორიგინალური გზე­ბის ძიება და ადეკვატური რეაგი­რება;   დამოუ­კიდებლად, უახლესი მე­თ­ოდ­ე­ბით და მიდგომებით კვლევების ჩატა­რება;

ü პროდუქციის, პროცესის სრულყოფის და შემუშავების პროცესში უახლესი კვლევების კრ­იტიკული  ანა­ლიზი, ინფორმაციის ინ­ოვაციური სინ­თეზი, შეფასება და  დასაბუთე­ბული და­სკვნების ჩამოყალიბება.

პასუხისმგებლობა და ავტონომიურობა

კურსდამთავრებულს შეუძლია:

ü  საკ­უთარი დასკვნების, არგუმენტების  და კვ­ლევის  შედეგების  წარდგენა აკადე­მიური და პროფესიული საზოგა­დოე­ბისათვის ქართულ და უცხოურ ენებზე აკა­დემიური ეთიკის სტანდარ­ტების დაცვით და საინფორმაციო-საკომუნი­კა­ციო ტექნოლოგიების გამო­ყენებით;

ü  რესურსდა­მ­ზოგავი, ეკოლოგი­ურად უსაფრთხო, „მწ­ვანე ტექნოლოგი­ე­­ბის“ შეაფასება, დამ­კვ­ი­დ­რება და დაცვა;

ü  საკუთარი ცოდნისა და უნარ-ჩვ­ევების ობიე­ქ­ტუ­რად შე­ფასება. სწავლის პროცესის თავისებუ­რ­ე­ბების გაცნობიერე­ბა, მისი სტრატეგიუ­ლად მაღალ დონეზე დაგეგმარება და სწა­ვლის დამოუკიდებლად  წარმართვა.

 კურსდამთავრებულთა

დასაქმების სფეროები

სამაგისტრო პროგრამის კურსდამთავრებულები დასაქმდებიან ფარმაცევტულ, კოსმეტიკურ-პარფიუმერულ საწა­რმო­ში, აფთიაქში, კოსმეტოლოგიურ, სპა- და ესთეტიკურ ცენტრებში, სამეცნიერო-კვლევით და საგანმანათლებლო დაწესებულებებში, დარგის მარეგულირებელ სახელმწიფო სტრუქტურებში.