ფაკულტეტი

ფარმაციის

საგანმანათლებლო პროგრამის სახელწოდება

სამაგისტრო პროგრამა  „კლინიკიური ფარმაცია“

მისანიჭებელი აკადემიური ხარისხი

კლინიკური ფარმაციის მაგისტრი

პროგრამის ხელმძღვანელი

ასოცირებული პროფესორი თამაზ ჭუმბურიძე;

ასისტენტ–პროფესორი ნინო ნემსიწვერიძე

პროგრამის მოცულობა

120 კრედიტი

სწავლების ენა

ქართული

პროგრამის მიზნები

პროგრამის მიზანია მოამზადოს კლინიკური ფარმაცევტი, რომელიც ზრუნავს პაციენტზე,  ექიმთან ერთად მონაწილეობს:

Ø  რაციონალური ფარმაკოთერაპიის განხორციელებაში;

ეფექტური, უსაფრთხო, გამოყენებისათვის მოსახერხებელი  წამლის შერჩევაში, სამკურნალო საშუალებების ფარმაკოკინეტიკური და ფარმაკოდინამიკური ფაქტორების გათვალისწინებით.

პროგრამაზე დაშვების წინაპირობა/-ები

პროგრამაზე დაშვება რეგულირდება  საქართველოს კანონ­მდე­ბლობით დად­გენილი წესისა და თბილისის სახელმწიფო სამედიცინო უნივერსიტეტის აკადემიური საბჭოს მიერ დამტკიცებული დებულებით  მაგისტრატურის  შესახებ (თსსუ-ის აკადემიური საბჭოს  დადგენილებები: №24/5, 7.05.2012, №24/3, 15.05.2017): 

-  მაგისტრატურაში სწავლის უფლება აქვს ბაკალავრის, ან მასთან გათანაბრებული ხარისხის მქონე პირს;

-  სამაგისტრო პროგრამაზე სწავლის გაგრძელების უფლების მოპოვებისთვის აუცილებელია საერთო სამაგისტრო გამოცდის (A ტესტი) და თბილისის სახელმწიფო სამედიცინო უნივერსიტეტის  მიერ დადგენილი გამოცდების ჩაბარება სპეციალობასა და ინგლისურ ენაში (50%+1-იანი ზღვარის გადალახვით).

-      უმაღლესი საგანმანათლებლო დაწესებულების მიერ დადგენილ გამოცდაში/გამოცდებში მონაწილეობის უფლება აქვთ მხოლოდ  მაგისტრანტობის იმ კანდიდატებს, რომლებმაც საქართველოს კანონმდებლობით დადგენილი წესით გადალახეს საქართველოს კანონმდებლობით დადგენილი მინიმალური კომპეტენციის ზღვარი საერთო სამაგისტრო გამოცდაში;

მაგისტრატურაში ჩარიცხვა ხორციელდება წინასწარ გამოცხადებული მისაღები კონტიგენტის ფარგლებში, კონკურსის წესით. მობილობის წესით დაშვება ხდება საქართველოს კანონმდებლობით და თსსუ-ის რეგულაციების შესაბამისად.

პროგრამის მოკლე აღწერა

კლინიკური ფარმაციის სამაგისტრო პროგრამა შედგენილია სამედიცინო და ფარმაცევტული საგნების ინტეგრირების პრინციპების გამოყენებით. კურიკულუმში არსებული მოდულები შედგება საბაზისო,  ფარმაცევტული და სამედიცინო  დისციპლინებისაგან, აგრეთვე  პრაქტიკისაგან რომლის განმავლობაშიც მაგისტრანტები ეუფლებიან როგორც ფარმაცევტულ, ისე სამედიცინო უნარ-ჩვევებს OSCE  ელემენტების გათვალისწინებით. კურიკულუმი შედგენილია უცხოური უნივერსიტეტების სამაგისტრო პროგრამების გამოცდილების გათვალისწინებით. სწავლების მეორე საფეხურზე- სამაგისტრო პროგრამაზე სწავლება სრულდება სამაგისტრო  სადიპლომო ნაშრომის დაცვით და ენიჭება  კლინიკური ფარმაციის მაგისტრის აკადემიური ხარისხი.

კლინიკური ფარმაციის სამაგისტრო პროგრამის ხანგრძლივობაა 2 წელი, 4 სემესტრი.  ითვალისწინებს  120 ECTS კრედიტის შესრულებას. აღნიშნული კრედიტები ნაწილდება შმდეგნაირად

·        საბაზისო სასწავლო კურსების მოდული -  15კრ;

·        ზოგადი მაპროფილებელი მოდული - 14 კრ;

·        კერძო მაპროფილებელი მოდული - 8 კრ;

·        კლინიკური უნარების მოდული - 15 კრ;

·        პროფილური სასწავლო კურსები - 21 კრ;;

·        არაპროფილური სასწავლო კურსები - 13 კრ;

·        კვლევითი კომპონენტი - 30 კრ;

არჩევითი სასწავლო კურსები - 4 კრ

სტუდენტის მიღწევების შეფასების სისტემა

სტუდენტთა მიღწევების შეფასება ხორციელდება საქართველოს განათლებისა და მეცნიერების მინისტრის 2007 წლის 5 იანვრის N 3 ბრძანების შესაბამისად.

უნივერსიტეტში მოქმედებს კრედიტების ტრანსფერისა და დაგროვების ევროპული სისტემა (ECTS), რომელიც არის სწავლის შედეგებზე, სასწავლო პროცესის გამჭვირვალობაზე დაფუძნებული და სტუდენტზე ორიენტირებული სისტემა. მისი მიზანია, ხელი შეუწყოს სასწავლო ერთეულების დაგეგმვას, განხორციელებას, შეფასებას/ცნობას, აგრეთვე სტუდენტთა მობილობას.

შეფასების კომპონენტებია შუალედური შეფასება და დასკვნითი შეფასება, მათი ჯამი განსაზღვრავს სტუდენტის საბოლოო შეფასებას. სასწავლო კურსის მაქსიმალური შეფასება 100 ქულაა, რაც წარმოადგენს შუალედური შეფასებების (მინიმალური კომპეტენციის ზღვარი - 31 ქულა) და დასკვნითი შეფასების ჯამს. დასკვნით გამოცდაზე გასვლის უფლება ეძლევა სტუდენტს, რომელსაც შუალედური შეფასებისა და დასკვნითი გამოცდის მინიმალური დადებითი შეფასების ჯამით შეიძლება დაუგროვდეს 51 ქულა.

სტუდენტის მიერ გაწეული შრომის შეფასება ითვალისწინებს:

ა) შუალედურ შეფასებას, რაც წარმოადგენს სასწავლო კურსის სილაბუსით გათვალისწინებული ცოდნის შეფასების მეთოდების/ნაწილების (სტუდენტთა ყოველკვირეული/ ყოველდღიური მიმდინარე აკადემიური, პრაქტიკული აქტივობები, პრეზენტაცია/ები, კოლოკვიუმ(ებ)ი და სხვ.) მიხედვით მიღებულ ქულათა ჯამს და განისაზღვრება 0-60 ქულით.

ბ)დასკვნითი გამოცდის შეფასებას. სასწავლო კურსის/ მოდულის მაქსიმალური შეფასების 100 ქულიდან დასკვნითი გამოცდის  მაქსიმალურ შეფასებას ეთმობა 0-40 ქულა.

შეფასების სისტემით დაშვებულია ხუთი სახის დადებითი და ორი სახის უარყოფითი  შეფასება.

Ø დადებითი შეფასებებია:

(A) ფრიადი – 91-100 ქულა,

(B) ძალიან კარგი – 81-90 ქულა,

(C) კარგი – 71-80 ქულა,

(D) დამაკმაყოფილებელი – 61-70 ქულა,

(E) საკმარისი – 51-60 ქულა.

Ø უარყოფითი შეფასებებია:

(FX) ვერ ჩააბარა – 41-50 ქულა, რაც ნიშნავს, რომ სტუდენტს ჩასაბარებლად მეტი მუშაობა სჭირდება და ეძლევა დამატებით გამოცდაზე ერთხელ გასვლის უფლება;

(F) ჩაიჭრა – 40 ქულა და ნაკლები, რაც ნიშნავს, რომ სტუდენტის მიერ ჩატარებული სამუშაო არ არის საკმარისი და მას სასწავლო კურსი ხელახლა აქვს შესასწავლი.

ცალკეულ სასწავლო კურსში/მოდულში სტუდენტის მიღწევების შეფასებისათვის  დადგენილი დამატებითი მოთხოვნები დეტალურადაა აღწერილი შესაბამის სილაბუსში და ცნობილია სტუდენტებისათვის.

სწავლის შედეგები

ცოდნა და გაცნოებიერება

აქვს შესაბამისი ცოდნა და პროფესიული უნარ–ჩვევები, რომლებიც აუცილებელია კლინიკაში და აფთიაქში მომუშავე კლინიკური ფარმაცევტისათვის.

უნარი

შეუძლია ეთიკური კოდექსისა და დეონტოლოგიური ნორმების დაცვით კომუნიკაცია პაციენტებთან, მომხმარებლებთან, კოლეგებთან, ექიმებთან, საზოგადოებასთან.

პასუხისმგებლობა და ავტონომიურობა ამკვიდრებს კლინიკურ ფარმაციაში საერთაშორისო სტანდარტებს, აცნობიერებს თავის პასუხისმგებლობას პაციენტისა და საზოგადოების წინაშე. მონაწილეობს ფარმაცევტების, ექიმებისა და პაციენტების ურთიერთობის ჰარმონაზაციაში.

 კურსდამთავრებულთა

დასაქმების სფეროები

კლინიკური ფარმაციის მაგისტრის დასაქმება მიზანშეწონილია აფთიაქში, ჯანდაცვის სამინისტროში (კომპეტენციის ფარგლებში), ფარმაცევტულ კომპანიაში და  კლინიკაში ექმებთან მჭიდრო თანამშრომლობის რეჟიმში.