დამტკიცებულია თსსუ-ის წარმომადგენლობითი საბჭოს

2018 წლის 16 მაისის №23/7 დადგენილებით

თბილისის სახელმწიფო სამედიცინო უნივერსიტეტის საზოგადოებრივი ჯანდაცვის ფაკულტეტის საზოგადოებრივი ჯანმრთელობის საერთაშორისო სკოლის დებულება

მუხლი 1. ზოგადი დებულებები

1. თბილისის სახელმწიფო სამედიცინო უნივერსიტეტის (შემდგომში „უნივერსიტეტი“) საზოგადოებრივი ჯანმრთელობის საერთაშორისო სკოლა (შემდგომში „სკოლა“) არის უნივერსიტეტის საზოგადოებრივი ჯანდაცვის ფაკულტეტის (შემდგომში „ფაკულტეტი“) სტრუქტურული ერთეული, რომელიც საქმიანობს ”უმაღლესი განათლების შესახებ”, „ჯანდაცვის შესახებ“, „საზოგადოებრივი ჯანმრთელობის შესახებ“ საქართველოს კანონების, სხვა საკანონმდებლო და კანონქვემდებარე აქტების, უნივერსიტეტის წესდების, ფაკულტეტის დებულებისა და წინამდებარე დებულების შესაბამისად;

2. სკოლის საქმიანობა რეგულირდება წინამდებარე დებულებით, რომელსაც ფაკულტეტის საბჭოს წარდგინებით ამტკიცებს უნივერსიტეტის წარმომადგენლობითი საბჭო.

 
    მუხლი 2. სკოლის მიზანი და საქმიანობა

1. სკოლის მიზანია საზოგადოებრივი ჯანმრთელობისა   და ჯანდაცვის სისტემისთვის კომპეტენტური კადრების მომზადება;

2. სკოლა ახორციელებს უმაღლესი განათლების II საფეხურის საგანმანათლებლო და სამეცნიერო ხასიათის პროგრამებს;

3. სკოლა უზრუნველყოფს სამაგისტრო პროგრამების აკადემიური პროცესის მაღალ დონეზე მიმდინარეობას მასზე მუდმივი მონიტორინგის გზით;

4. სკოლა    უზრუნველყოფს  პედაგოგიური პერსონალისა და სტუდენტების მონაწილეობას სხვადასხვა პროექტის განხორციელებაში;

5. სკოლა ახორციელებს პედაგოგებისა და მაგისტრანტებისთვის უცხოეთში სასწავლო ტურების ორგანიზებას;

6. სკოლაში სამაგისტრო პროგრამების შემუშავება, სტუდენტთა კონტიგენტის მიღება, სწავლის ხანგრძლივობა, სტუდენტის უფლება-მოვალეობანი, მაგისტრის აკადემიური ხარისხის მინიჭება და სხვა საკითხები რეგულირდება უნივერსიტეტის წესდების, შინაგანაწესის და მაგისტრატურის დებულების შესაბამისად.

   
    მუხლი 3. სტრუქტურა და მართვის ორგანოები

1. სკოლას, მასზე დაკისრებული მიზნების განსახორციელებლად, აქვს შესაბამისი      მატერიალურ-ტექნიკური ბაზა;

2.   სკოლის   სტრუქტურა   წარმოდგენილია   სკოლის   დირექტორით   და  მთავარი                სპეციალისტით;