2013 წლის 29 ივნისს, თბილისის სახელმწიფო სამედიცინო უნივერსიტეტის ადმინისტრაციული შენობის საკონფერენციო დარბაზში ჩატარდა “სასამართლო ექიმთა V სამეცნიერო-პრაქტიკული კონფერენცია”, რომლის ორგანიზატორებიც იყვნენ: თბილისის სახელმწიფო სამედიცინო უნივერსიტეტი, ლევან სამხარაულის სახელობის სასამართლო ექსპერტიზის ეროვნული ბიურო და საქართველოს სასამართლო ექიმთა ასოციაცია.
კონფერენცია გახსნეს და მონაწილეებს მიესალმნენ: თსსუ–ის სასამართლო მედიცინის დეპარტამენტის ხელმძღვანელი, პროფესორი ბესარიონ კილასონია, თბილისის სახელმწიფო სამედიცინო უნივერსიტეტის რექტორი, პროფესორი ზურაბ ვადაჭკორია, პროფესორი ზურაბ კაციტაძე, პროფესორი რევაზ კაპანაძე, ლევან სამხარაულის სახელობის სასამართ;ლო ექსპერტიზის ეროვნული ბიუროს ხარისხის სამსახურის უფროსი უჩა მარგველაშვილი.
კონფერენციას ესწრებოდნენ: საქართველოს შრომის, ჯანმრთელობისა და სოციალური დაცვის სამინისტროს, საქართველოს იუსტიციის სამინისტროს, საქართველოს სახალხო დამცველის აპარატის, საქართველოს ექიმთა ასოციაციის, თბილისის სახელმწიფო სამედიცინო უნივერსიტეტის ადმინისტრაციული და აკადემიური პერსონალი.
კონფერენციაზე, რომლის მუშაობაშიც მონაწილეობდა 50-ზე მეტი სასამართლო ექიმი, მოხსენებული და განხილული იქნება სასამართლომედიცინის, სასამართლოსამედიცინომოლეკულურიგენეტიკის, სასამართლოტოქსიკოლოგიის, სასამართლოჰისტოლოგიის, პათოლოგიურიანატომიისაქტუალურისაკითხები:
- “თანამშრომლობის ახალი პერსპექტივები თსსუ–სა და სეებ–ს შორის”;
- „სამედიცინო ანთროპოლოგიური ექსპეტიზა“;
- „სამედიცინო რადიოლოგიური ექსპერტიზა“;
- „“ჩირქოვანი პერიტონტიტის შემთხვევის ანალიზი“;
- „ინსულინომა და უეცარი სიკვდილი“;
- „პროთრომბინის ლეიდენის V ფაქტორის და MTHFR გენების მუტაციები და ორსულთა გართულებები“;
- „ღია და დახურული მოტეხილობები“;
- „უეცარი სიკვდილი“;
- „ანაფილაქსიის ექსპერტიზა“;
- „აუტოფსიური მასალის აღების პრინციპები“;
- „მასალის აღება ტოქსიკოლოგიური კვლევისთვის“;
- „მეტამფეტამინის ტოქსიკოლოგიური ექსპერტიზა“.
კონფერენციის დასასრულს, გაიმართა შემაჯამებელი დისკუსია და მონაწილეებს გადაეცათ სერტიფიკატები.
![]() |