2013 წლის 2–5 ოქტომბერს, თბილისის სახელმწიფო სამედიცინო უნივერსიტეტის საოჯახო მედიცინის დეპარტამენტის პროფესორი გივი ჯავაშვილი ოფიციალური ვიზიტით იმყოფებოდა ტირანაში (ალბანეთი) ,,ოჯახის ექიმთა მასწავლებლების ევროპული აკადემიის (EURACT)“ საბჭოს სხდომაში მონაწილეობის მისაღებად, სადაც  განხილულ იქნა შემდეგი საკითხები:

• აკადემიის საბჭოს წინა სხდომის ანგარიში;
• ალბანეთის ჯანდაცვის სისტემის, პირველადი ჯანდაცვის და საოჯახო მედიცინის განვითარების შესახებ მონაცემების მონიტორინგი;
• კომიტეტების და სამუშაო ჯგუფების მუშაობა და მათი ანგარიშების წარმოდგენა საბჭოს საერთო სხდომაზე;
• სამომავლო გეგმები.

საყურადღებოა, რომ ზემოხსენებულ სხდომაზე გადაწყდა EURACT–ის და მისი პარტნიორების მიერ შემუშავებული სასწავლო კურსების ციკლის „Leonardo“-ს ფარგლებში 2015 წელს, საქართველოში ჩატარდეს ოჯახის ექიმთა მასწავლებლების სასწავლო კურსი – „Leonardo–1“.