2013 წლის 30 ნოემბერს, თბილისის სახელმწიფო სამედიცინო უნივერსიტეტის, თსსუ–ის გივი ჟვანიას სახელობის პედიატრიის აკადემიური კლინიკის სამედიცინო პერსონალისა  და ორგანიზაციის “ქართული ოცნება - ჯანმრთელი მომავალი’’ ორგანიზებით, ხაშურში ჩატარდა საქველმოქმედო აქცია, რომლის ფარგლებშიც სამედიცინო შემოწმება ჩაუტარდათ 18 წლამდე ასაკის ბავშვებსა და მოზარდებს.

აქციის მსვლელობისას, სამედიცინო შემოწმება გაიარა 300-ზე მეტმა ბავშვმა და მოზარდმა. ექიმ–სპეციალისტებთან განხორციელდა 600-მდე ვიზიტი. პაციენტებს საჭიროებიდან გამომდინარე ჩაუტარდათ ულტრაბგერითი  გამოკვლევები.

ღონისძიებას ესწრებოდა თბილისის სახელმწიფო სამედიცინო უნივერსიტეტის რექტორის მოადგილე გიორგი აბესაძე.