თბილისის სახელმწიფო სამედიცინო უნივერსიტეტთან დიდი ხანია თანამშრომლობს აშშ საერთაშორისო განვითარებისსააგენტო (USAID) პროგრამა „ შენარჩუნების“ ფარგლებში. ამ თანამშრომლობის შედეგად მოხდა მენაობა-გინეკოლოოგის დეპარტამენტის სასწავლო პროგრამების გადახედვა და განახლება, დამატებით სამეანო-გინეკოლოგიური მულაჟებით აღჭურვა და დამხმარე სამედიცინო მასალით მომარაგება. ამავე პროგრამის ფარგლებში თსსუ კლინიკური უნარ-ჩვევების ცენტრში მედიცინის ფაკულტეტის მოეთხე კურსის სტუდენტებისათვის მეანობა -გინეკოლოგიაში OSCE-ის გამოცდის ჩატარებისათვის გაგვიწიეს სათანადო ექსპერტული დახმარება.
მიმდინარე წლის 14 მაისს თსსუ კლნიკური უნარ-ჩვევბის ცენტრს ესტუმრნენ აშშ სახელმწიფო დეპარტამენტის აშშ-ს ევროპისა და ევრაზიის დახმარების კოორდინატორი ალინა რომანოვსკი, აშშ საერთაშორისო განვითარების სააგენტოს (USAID) კავკასიის ოფისის დირექტორი სტივენ ჰეიკინი, ჯანმრთელობისა და სოციალური განვითარების დეპარტამენტის დირექტორი თამარ სირბილაძე, პროგრამა „ შენარჩუნების“ დირექტორი ნინო ბერძული, ამავე პროგრამის დიპლომამდელი სამედიცინო განათლების ტექნიკური ექსპერტი ნინო ლომია და ჯეი-ეს-აის მრჩეველი კომუნიკაციის დარგში – ანდრეა დიკსონი.
სტუმრებმა დაათვალიერეს თსსუ კლინიკური უნარ-ჩვევების ცენტრი და გაეცნენ ცენტრის შესაძლებლობებს, ნახეს სტუდენტების მიერ სამეანო და გინეკოლოგიურ სიმულატორებზე გასინჯვის ტექნიკა და სხვა მანიპულაციები.
შეხვედრაზე უნივერსიტეტის აკადემიური პერსონალის შესაძლებლობებზე, მიღწევებსა და სამომავლო გეგმებზე ისაუბრა უნივერსიტეტის ვიცე-რექტორმა, პროფესორმა კახაბერ ჭელიძემ. მან მადლობა გადაუხადა სტუმრებს აშშ საერთაშორისო განვითარების სააგენტოს (USAID) პროგრამა „ შენარჩუნების“ ფარგლებში თანამშრომლობისათვის, დადებითად შეაფასა მიღებული შედეგები და სამომავლო ურთიერთობის პერსპექტივა.