მიმდინარე წლის 6–7 ნოემბერს, თბილისის სახელმწიფო სამედიცინო უნივერსიტეტში ჩატარდა კონფერენცია ,,ბავშვთა ნევროლოგიის აქტუალური საკითხები“.
ღონისძიების ორგანიზატორები იყვნენ: თბილისის სახელმწიფო სამედიცინო უნივერსიტეტი და საქართველოს ბავშვთა ნევროლოგიისა და ქცევითი დარღვევების ასოციაცია.
ღონისძიებას ესწრებოდნენ: თსსუ-ის სტუდენტები, რეზიდენტები და აკადემიური პერსონალი.
ღონისძიება გახსნა თსსუ-ის ბავშვთა ნერვულ სნეულებათა დეპარტამენტის ხელმძღვანელმა, პროფესორმა ნანა გელაძემ, რომელმაც წარადგინა გამომსვლელები და დიდი მადლობა გადაუხადა თსსუ-ის რექტორს და ადმინისტრაციას მხარდაჭერისთვის.
დამსწრე საზოგადოებას მიესალმა თსსუ-ის რექტორი, პროფესორი ზურაბ ვადაჭკორია. მან აღნიშნა, რომ უნივერსიტეტისთვის მნიშვნელოვანია უცხოელი პროფესორების ვიზიტი თსსუ-ში, რომელიც კავშირების დამყარების და ახალი შესაძლებლობების საწინდარია არა მხოლოდ სტუდენტებისთვის, არამედ აკადემიური პერსონალისთვისაც. პროფესორმა ვადაჭკორიამ სტუმრებს გააცნო უნივერსიტეტის ისტორია და მისი ტრადიციები.
ღონისძიებაზე წარმოდგენილი იყო შემდეგი მოხსენებები:
,,სპინალური კუნთოვანი დისტროფიები", პროფესორი ტომას სეჯერსენი, კაროლინსკას უნივერსიტეტი, სტოკჰოლმი, შვედეთი;
,,პერიფერიული ნეიროპათიები". პროფესორი ტომას სეჯერსენი, კაროლინსკას უნივერსიტეტი, სტოკჰოლმი, შვედეთი;
,,ნეონატალური, ჩვილობისა და ბავშვთა ასაკის ეპილეფსიური სინდრომები"– მონიკა ეიზერმანი, რენე დეკარტის უნივერსიტეტი, პარიზი, საფრანგეთი;
რთული კლინიკური შემთხვევების ვიდეოსესია, მოდერატორი – მონიკა ეიზერმანი, რენე დეკარტის უნივერსიტეტი, პარიზი, საფრანგეთი;
,,ბავშვთა ასაკის ინსულტი", პროფესორი კორიენ კატსმან-ბერევოტსი, ერასმუსის უნივერსიტეტი, როტერდამი, ჰოლანდია.