![]() |
საქართველოს საუნივერსიტეტო სპორტის ფედერაციის ორგანიზებით მიმდინარეობს „ფუტსალის თასი 2015“-ის გათამაშება უმაღლეს სასწავლებლებს შორის.
ჩემპიონატში მონაწილეობას იღებს საქართველოს 28 უმაღლესი სასწავლებელი, მათ შორის თბილისის სახელმწიფო სამედიცინო უნივერსიტეტი.
უნივერსიტეტები გადანაწილდნენ 6 ქვეჯგუფში. თბილისის სახელმწიფო სამედიცინო უნივერსიტეტის ქვეჯგუფში კენჭისყრის შედეგებით აღმოჩნდნენ: საქართველოს ეროვნული უნივერსიტეტი - სეუ (შარშანდელი ჩემპიონატის გამარჯვებული), საქართველოს უნივერსიტეტი და ზუგდიდის სახელმწიფო უნივერსიტეტი.
სამედიცინო უნივერსიტეტის ნაკრებმა ანგარიშით 4:1 გადამწყვეტ მატჩში დაამარცხა ზუგდიდის სახელმწიფო უნივერსიტეტი და ჯგუფში პირველი ადგილი დაიკავა.
სამედიცინო უნივერსიტეტში, ასევე, მიმდინარეობს უმაღლეს სასწავლებლებს შორის ჩემპიონატი ფრენბურთში სადაც სამედიცინო უნივერსიტეტის ნაკრები წარმატებით ასპარეზობს.