თბილისის სახელმწიფო სამედიცინო უნივერსიტეტის მედიცინის ფაკულტეტის დეკანი, იმუნოლოგიის დეპარტამენტის პროფესორი, თინათინ ჩიქოვანი 5–10 თებერვალს მივლინებით იმყოფებოდა დუბაიში „ ასთმის, რესპირაციული ალერგიისა და იმუნოპათოლოგიის მე–10 მსოფლიო კონგრესზე“.
პროფესორი თინა ჩიქოვანი 8 თებერვალს იყო პაულ ერლიხის ხსოვნისადმი მიძღვნილი სააქტო ლექციის მოდერატორი. ლექცია წაიკითხა ოქსფორდის უნივერსიტეტის პროფესორმა ანჯელა ვინსენტმა.
9 თებერვალს ჩატარდა პლენარული სექციის სხდომა, რომლის თანათავმჯდომარეც იყო პროფესორი თინა ჩიქოვანი. მან სექციაზე გააკეთა მოხსენება:“რადიოსიხშირული თერმული აბლაციის გავლენა ღვიძლის კიბოთი დაავადებული პაციენტების იმუნურ სისტემაზე“.