 |
2016 წლის 15 ივნისს თბილისის სახელმწიფო სამედიცინო უნივერსიტეტს ეწვივნენ: პლევენის (ბულგარეთი) სამედიცინო უნივერსიტეტის პროფესორები: საველინა პოპოვსკა – ზოგადი და კლინიკური პათოლოგიის დეპარტამენტის ხელმძღვანელი, ევროპული ინტეგრაციისა და საერთაშორისო ურთიერთობების დეპარტამენტის ვიცე-დეკანი და დიანა პენდიჩევა – ექსპერიმენტული და კლინიკური ფარმაკოლოგიის, დერმატოლოგიისა და ვენეროლოგიის დეპარტამენტის ასისტენტ პროფესორი, „ერასმუს+“ კოორდინატორი.
პროფესორებმა თბილისის სახელმწიფო სამედიცინო უნივერსიტეტის სტუდენტებისა და რეზიდენტებისათვის წაიკითხეს ლექციები და შეხვედრა გამართეს თბილისის სახელმწიფო სამედიცინო უნივერსიტეტის რექტორთან და ადმინისტრაციის წევრებთან.
