2018 წლის 29 სექტემბერს, ,,მეცნიერებისა და ინოვაციების ფესტივალი 2018“-ის ფარგლებში, თბილისის სახელწიფო სამედიცინო უნივერსიტეტის პირველ საუნივერსიტეტო კლინიკაში, საქართველოს მედიკოს სტუდენტთა ასოციაციის (GMSA) ორგანიზებით მოეწყო მასტერკლასი -“ქირურგიული კვანძების დადება ხელით და ინსტრუმენტების საშუალებით.”
ღონისძიებაზე მოხსენებით წარსდგნენ: თსსუ პირველი საუნივერსიტეტო კლინიკის სისხლძარღვთა ქირურგი, მედიცინის მეცნიერებათა დოქტორი ირაკლი ფოფხაძე, თემით: “კლინიკური უნარ-ჩვევების კურსი - ქირურგიული მანიპულაციები”;
ასევე თსსუ-ის მედიცინის ფაკულტეტის მე-V კურსის სტუდენტი, IFMSA საქართველოს ნაციონალური ოფიცერი გიორგი ჩილინგარაშვილი, თემით:
“სამედიცინო განათლება და კარიერა ამერიკის შეერთებულ შტატებში.”
მასტერკლასში ჩართული იყვნენ თბილისის სახელმწიფო სამედიცინო უნივერსიტეტის მედიცინის ფაკულტეტის სტუდენტები და თბილისის 28-ე საჯარო სკოლის მოსწავლეები.
საქართველოს მედიკოს სტუდენტთა ასოციაცია (GMSA) არის მედიკოს სტუდენტთა ასოციაციის საერთაშორისო ფედერაციის (IFMSA) წარმომადგენელობა საქართველოში. IFMSA არსებობს 1951 წლიდან და აერთიანებს 127 ქვეყანას.
