2018 წლის 19 ოქტომბერს თბილისის სახელმწიფო სამედიცინო უნივერსიტეტში, სტუდენტთა საინიციატივო ჯგუფის - „სტუდენტთა საერთაშორისო საზოგადოება“ ორგანიზებითა და თსსუ-ის სპორტისა და ხელოვნების ცენტრის მხარდაჭერით, ფესტივალის „თეთრი ხალათის" ფარგლებში, ჩატარდა ჩემპიონატი ჭადრაკში. ჩემპიონატი ოლიმპიური სისტემის მიხედვით 36 ვაჟსა და 8 გოგონას შორის გაიმართა.
ვაჟებში I ადგილი - ფარმაციის ფაკულტეტის I სემესტრელმა სტუდენტმა, საბა არაბიძემ მოიპოვა, II ადგილი - მედიცინის ფაკულტეტის III სემესტრელმა სტუდენტმა, ავთანდილ ფანჩულიძემ, ხოლო III ადგილზე - ფიზიკური მედიცინის და რეაბილიტაციის ფაკულტეტის II სემესტრელი სტუდენტი გიორგი ცქიფურიშვილი გავიდა. გოგონებში I ადგილი - მედიცინის ფაკულტეტის V სემესტრელმა სტუდენტმა, ელენე ჯაფარიძემ მოიპოვა, II ადგილი - მედიცინის ფაკულტეტის III სემესტრელმა სტუდენტმა, სალომე ცერცვაძემ, ხოლო III ადგილზე - სტომატოლოგიის ფაკულტეტის I სემესტრელი სტუდენტი, ქრისტინე ფურცხვანიძე გავიდა. გამარჯვებულებს თასები და მედლები გადაეცათ.
ფესტივალის ფარგლებში საგანმანათლებლო, სპორტული და კულტურული აქტივობები გრძელდება, დეტალებისთვის იხილეთ ბმული