თბილისის სახელმწიფო სამედიცინო უნივერსიტეტის საზოგადოებრივი ჯანდაცვის ფაკულტეტის დელეგაციამ 2025 წლის 20-24 ოქტომბრის პერიოდში მონაწილეობა მიიღო სოფიას სამედიცინო უნივერსიტეტის საზოგადოებრივი ჯანდაცვის ფაკულტეტის 30 წლის იუბილესადმი მიძღვნილ ღონისძიებებში.
საზეიმო სხდომის ფარგლებში თსსუ-მ უნივერსიტეტის სახელით გადასცა ოფიციალური მისალმება და სამახსოვრო საჩუქრები მასპინძელ უნივერსიტეტს.
ღონისძიების ფარგლებში გამართულ სამეცნიერო კონფერენციაზე, თსსუ-მ წარადგინა მოხსენება საზოგადოებრივი ჯანდაცვის სფეროს ტენდენციებზე.
ღონისძიების ბოლოს გაიმართა სამუშაო შეხვედრა, სადაც განიხილეს თსსუ-სა და სოფიას სამედიცინო უნივერსიტეტს შორის შემდგომი თანამშრომლობის მიმართულებები.
