„უმაღლესი განათლების შესახებ“ საქართველოს კანონის 22-ე მუხლის, საქართველოს განათლებისა და მეცნიერების მინისტრის 2013 წლის 3 სექტემბრის #124/ნ ბრძანებით დამტკიცებული „საჯარო სამართლის იურიდიული პირის - თბილისის სახელმწიფო სამედიცინო უნივერსიტეტის“ წესდების მე-14 მუხლის საფუძველზე,
ვბრძანებ:
სსიპ - თბილისის სახელმწიფო სამედიცინო უნივერსიტეტში დასაქმებულთათვის 2024 წლის 3 იანვრიდან 5 იანვრის ჩათვლით დღეები განისაზღვროს უქმე დღეებად.
წინამდებარე ბრძანება არ ვრცელდება „სახელმწიფო შესყიდვების შესახებ“ საქართველოს კანონით გათვალისწინებულ სახელმწიფო შესყიდვებთან დაკავშირებულ საქმიანობაზე, მათ შორის, ამავე კანონის მე-3 მუხლის პირველი პუნქტის „ა.თ“ ქვეპუნქტით გათვალისწინებულ შესყიდვებთან დაკავშირებულ და სახელმწიფო შესყიდვებთან დაკავშირებული დავების განხილვის საბჭოს საქმიანობაზე.
მიეთითოთ: თსსუ-ის პირველი საუნივერსიტეტო კლინიკის, თსსუ-ის გივი ჟვანიას სახელობის პედიატრიის აკადემიური კლინიკის, თსსუ-ის აპოლონ ურუშაძის სახელობის სტომატოლოგიური კლინიკის, თსსუ-ის პირველი სტომატოლოგიური კლინიკის ხელმძღვანელებს, უზრუნველყონ წინამდებარე ბრძანების პირველი პუნქტით განსაზღვრულ პერიოდში კლინიკების მუშაობის წესის განსაზღვრა.
ბრძანება ძალაშია ხელმოწერისთანავე.
ბრძანება დაეგზავნოს: კანცლერს, ვიცე-რექტორებს, კანცლერის მოადგილეებს, რექტორის აპარატის უფროსს, კანცლერის აპარატის უფროსს, უნივერსიტეტის ყველა სტრუქტურულ ერთეულს.
საფუძველი: საქართველოს მთავრობის 2023 წლის 25 დეკემბრის #500 დადგენილება.
Copyright © 2018 | Created By Integral Web Studio